Цогтын хадны бичиг (Алтернатив)

Хэвлэх
PDF

Цогт тайжийн бичсэн хадны бичээс хийгээд

Цадиггүй Сүлдийн гуйвуулсан гуйвуулга хоёрын

Адилтгаж зүйрлэсэн нь ангид боловч

Анхааруулж бичсэн нь агаар нэгэн буй

Сүлдийн мэссэнжэрийн бичиг

 

Мэнд мэдэлцэн гар барих залуус хийгээд

Мэссэнжэрт тааралдах найзуудын хооронд

Харах, хүртэхүйн ялгаа буй боловч

Харилцан ойлголцохын агаар нэгэн буй.

Анд нөхдөөс нуугдсан инвизибл,

Аль эсвэл хариугүй таг бологчдын,

Ахуй төрх ангид боловч,

Ач холбогдол нь агаар нэгэн буй.

Төрийн том түшмэл хийгээд

Төрсөн нь л үнэн амьтан хоёрын

Итгэж ярилцах нь өөр боловч

Интернет ашиглах эрх нь агаар нэгэн буй.

Спам тарааж сурталчилгаа хийгч хийгээд

Реклам үзэж мөнгө хайгч хоёрын

Ашиглах хуудаснууд нь өөр боловч

Ашиг олох шунал нь агаар нэгэн буй.

Хол ойрд хакер хийгч хүн хийгээд

Хавь ойроос хулгай хийгч хоёрын

Явдал суудал ангид боловч

Ялт үйл хийх сэтгэл нь агаар нэгэн буй.

Одоо энд үгүй Анд нөхөд минь хийгээд

Орчлонгоор тэнэгч интернетчин бид хоёр

Орших байрлал ангид боловч

Ойлголцож бичих суваг минь нэгэн буй.

Өнөөдөртөө эс уулзалдваас

Өнө хойчид таарах бүртээ

Чухам найздаа үнэнч мэт

Чадах ядахаараа туслалцах болтугай.

 

Спорт, эрүүл мэнд

sport & health
Идэвхитэй амьдрал, Золбоотой хүмүүс

Боловсрол

education
Мэдлэг хэн ч хулгайлж үл чадам хүчтэй

Урлаг Соёл

art & culture
Бүтээлч сэтгэлгээ, шинэлэг шийдлүүд

Хоол, хүнс тэжээл

art & culture
Эрүүл биед саруул ухаан оршино