Гурамсан Сүлжээ Сургаал

Хэвлэх
PDF

Өсөхийн цагт санууштай нь

Бишрэл, хичээл, сэтгэл гурав

Өөдлөхийн тулд нягтлууштай нь

Сургааль, үнэн, үлгэр гурав


          Ачлахын дээдээр ачлууштай нь        

          Ээж, аав, эх орон гурав        

          Асрахын дээдээр асрууштай нь        

          Өтгөс, нялхас, хань гурав


Ялахын түрүүнд ялууштай нь

Нойр, залхуу, атаа гурав

Яруу төгс сурууштай нь

Яриа, дуу, хөгжим гурав

 
          Бадарч дээшлэхийн үндэс нь

          Сэрэх, санах, тэмүүлэх гурав

          Баларч дордохын тэмдэг нь

          Унтах, мартах, тэрслэх гурав


Ажиллах цагийн хэмнэл нь

Өглөө, өдөр, орой гурав

Амьдрах цагийн хэмжээ нь

Балчир, идэр, өтөл гурав

 
          Мөчид хоосны жишээ нь

          Өнгө, мөнгө, зэрэглээ гурав

          Мөнх бусын дохио нь

          Өтлөх, элэх, буурах гурав


Ажил бүтээхийн эрэмбэ нь

Мэдлэг, чадвар, дадал гурав

Аливаа шинжээс эрхэм нь

Мэргэн, түргэн, даамай гурав

 
           Тэтгэх горимын эх нь

           Наран, саран, хайр гурав

           Тэжээх шимийн үндэс нь

           Гал, ус, газар гурав
 

Үйл бүхнээс эрхэм нь

Бодох, туурвих, дэмжих гурав

Үнэн бүхний туйл нь

Төрөх, орших, үхэх гурав

 

Говийн Догшин ноён хутагт Дулдуйтын Данзанравжаа

Спорт, эрүүл мэнд

sport & health
Идэвхитэй амьдрал, Золбоотой хүмүүс

Боловсрол

education
Мэдлэг хэн ч хулгайлж үл чадам хүчтэй

Урлаг Соёл

art & culture
Бүтээлч сэтгэлгээ, шинэлэг шийдлүүд

Хоол, хүнс тэжээл

art & culture
Эрүүл биед саруул ухаан оршино